البنك التجارى الدولى

أنشىء
البنك التجارى الدولى فى عام ١٩٧٥ كشركة مساهمة بين البنك الأهلى المصرى
والذى تبلغ نسبة مساهمته فى رأس المال "٥١٪" وبنك تشيز منهاتن والذى تبلغ
نسبة مساهمته "٤٩٪" تحت الإسم الحقيقى "البنك الأهلى المصرى تشيز" . فى
أعقاب قرار تشيز فى سحب حقوق الملكية الخاصة به فى عام ١٩٨٧، قرر البنك
الأهلى المصرى أن يزيد من مساهمته إلى ٩٩٫٩٪ وتغير إسم البنك إلى البنك
التجارى الدولى "مصر" ش.م.م.

لماذا البنك التجاري الدولي ؟
البنك التجاري الدولى أفضل سعر بنكى فى مصر (تصنيف ممتاز)
خامس أكبر بنك فى مصر (أصول)
ثالث أكبر بنك فى مصر ( صافى ربح)
أفضل بنك مصري للعملة الأوروبية فى العشر سنوات السابقة
أفضل بنك مصر للتمويل فى الست سنوات السابقة
البنك التجاري الدولي يحافظ على المستويات المستهدفة كما يلي :

ROE > ٢٠٪ (٢١٫٦٪ فى ديسمبر ٢٠٠٣)
تكلفة /دخل > ٣٠٪ (٢٩٪ فى ديسمبر ٢٠٠٣)
ملائمة رأس المال > ١٠٪ (٦٫١١٪ فى ديسمبر ٢٠٠٣)

Why CIB?

CIB is the best rated bank in Egypt (Sovereign Rating)
5th largest in bank in Egypt (Assets)
3rd largest bank in Egypt (Net Worth)
Best Bank in Egypt by Euromoney for the 10th year
Best Bank in Egypt by Global Finance for the 6th year
CIB maintained its targeted levels:

ROE > 20% (21.6% for Dec' 03)
Cost/Income < 30% (29% for Dec' 03)
Capital Adequacy < 10% (11.6% for Dec' 03)

دى كده المعلومات الاوليه عن البنك واجابه سؤال من اهم اسئله الانترفيوهات
ليه اختارت بنكنا بالذات الاجابه دى من على موقع البنك واعتقد انها اجابه
ممتازه جدا

نتكلم بقى بالعاميه عن البنك
البنك التجارى من كبر البنوك المصريه واذا مكنش رقم واحد فمصر فهيكون رقم
اتنين بالكتير ارباحه وهميه وسمعته كبنك كويسه جدا وبالتالى فسمعه موظفينه
كويسه جدا

نعمل ايه عشان نقدم فيه
التقديم بيبقى عن طريق الميل

HR@CIBEG.COM

طيب لازم تكتب البوزيشن اللى انت عاوزه فخانه العنوان وهنا لازم نتطرق لوظائف البنك
البنك الوظائف فيه نوعين لفروع لادارات
الفروع عباره عن خدمه عملاء تيلر واوبريشن فروع
ايه هى خدمه العملاء دى ان تفتح حساب للعميل تقنع بمنتج من منتجات البنك
تهندل مشاكله وكده يعنى من الاخر بياع كلام واللى بيعرف يبيع وبيحب اقناع
الناس فهتبقى الوظيفه دى لائقه عليه جدا
التيلر اللى هو فالخزنه وظيفته سحب وايداع فلوس مرتبه بيبقى اعلى شويه
عشان المخاطره لانه بيشتغل فالفلوس وشغله بيبقى فيه شيكات وتوقيعات وحاجات
كده طبعا لو رحت هناك ممكن يقولك عاوز ليه تختار تيلر وتعرف ايه عنها
فطبعا لازم يكون عندك خلفيه وتعرف ايه هو الشيك وايه هو الشيك المسطر اللى
هو الشيك اللى عليه خطين متوازين فاى حته على سطحه وده لا يصرف كاش ولا
يصرف قبل معاده ده مثال مثلا لسؤال ممكن حد يرخم ويسالهولك لو حد قالك ايه
الشيك قوله هو صك يتضمن فى احد اركانه او فى سياقه كلمه شيك بنفس اللغه
اللى اتكتب بيها الشيك وهو اداه وفاء فيها 3 اطراف وطبعا تاريخ الشيك اللى
مدون عليه ليس ذو اهميه الا فحاله التسطير طبعا مش عاوز ادخل معاكو فحاجات
تكنكل اوى المهم
اخر حاجه فالفرع هو الاوبريشن وده ممكن تكون اعتماد مستندى ففرع او خطابات ضمان ائتمان وهكذا
طيب اختبارات الفروع عباره عن ايه عباره عن 25 سؤال منها انجلش ومنها ذكاء
طب ايه هى الاسئله
خد عندك يا سيدى
مين مكتشف الجاذبيه الارضيه (اسحق نيوتن)
اول واحد طلع على القمر كان سنه كام
فيه كام قاره فالعالم
الجيجا فيها كام ميجا
متسلسله 48 29 26 13 10 5 2 1ايه الرقم الغلط فالمتسلسله
واحد طلع 13 من فوق والتلاتش من تحت فمسايقه يبقى المسابقة كام شخص طبعا 25
سؤال كده بتاع واحده معاها كيك ادت اخوها نص اللى معاها وكلت واحده وبعدين ادت لاختها نص اللى معاها حوار كده الاجابه 23
اسئله كاستمر سرفيس عبيطه كده حلوها لوحدكو دى
وتذاكر فالقواعد قاعده المضارع التام والماضى التام BEFORE AFTER
والكلام ده والمضارع البسيط وسينس وفور و وين وهوايل بس متذكرش غيرهم
هتلاقى كده فالاخر بيقولك الكب الكيميائى هايكو اوكسيد مش عارف ايه مش فاكره المهم اجابته CO2
ده بالنسبه لامتحانات الفروع وبعض الادارات القليله
امتحان الادارات بقى الجامده هو امتحان فالمريلانديعنى مثلا لو كتبت
كريديت هتعمل انترفيو هنتكلم عنو كمان حبه وهتروح المريلاند وتمتحن هناك
تذاكر ايه بقى
تذاكر اقتصاد العرض والطلب وقانون الطلب والعرض والتضخم والبطاله والتوازن والكلام ده
المحاسبه ذاكر الاساسيات اوى التعاريف يعنى المعادله المحاسبيه ايه هى
الارباح المحتجزه دى امثله طبعا تذاكر اى كيو طبعا مغرق مواقع النت
وهرفعلكم حبه متجمعين كده هايلين ووتذاكرو جرامر الانجلش كويس وهبقى
اجبلكو معلومات اكتر ولو حد راحه يا ريت يكتب تفاصيله واسئله منو طيب
الانترفيو بقى اللى رايح الفروع
بعد ميخلص الامتحان ويقولوله انت اوك نجحت هيدخل انترفيو الاول عرف نفسك
ليه اخترتنا وبعدها اشمعنى البوزيشن ده تبقى مجهز اجابه بقى فت يعنى حاجه
كده واضحه وديما تربط مهام الوظيفه بحاجه فشخصيتك يعنى لو تيلر انا دقيق
اوى مش بخاف من التعامل مع الفلوس وكده لو خدمه عملاء تقول اصلى بحب اتكلم
مع العملاء وبحب اقنعهم بالحجات والحمد الله عندى موهبه الاقناع وكده
وخلى فيه ثقه فقدراتك وانت بتتكلم وخليك موتفيايد يعنى متحفز وبتتكلم
بتحفز اوى كده وتحضر نقطه ضعف ونقطه قوه وطبعا نقطه الضعف متكنش ضعف ولا
بتاع لانه هيقولك بدل البيه عارفها مصلحهاش ليه فاختار واحده روش كده مثلا
بهتم اوى بالتفاصيل والدقه ايه العيب فالموضوع اصلى برهق نفسى جدا
فالموضوع ده وباجى على نفسى وده بيخلى فيه ملل بسيط بس دلوقتى بحاول اضبط
الموضوع ده عن طريق انى بحاول اخلى الدقه متناغمه مع السرعه يعنى خليك كده
دبلوماسى وممكن تقول انا معتقدش ان فيا عيوب شخصيه تاثر على مهام وظفتى
وابتسم وخلاص واخيرا ممكن تقولك عاوز تبقى ايه بعد 5 سنين خليك طموح وفنفس
الوقت واقعى يعنى شوف اقصى حلم ممكن تحثثه بعد 5 سنين اقصى اقصى حلم وقوله

اظن كده انا عملت اللى عليا بالتوفيق

__________________

انتهينا خلاص ... ودع البلاص